2017 жылдың 25 сәуірі «Жас мұғалім – 2017» байқауы қала мектептеріндегі шығармашылықпен жұмыс жасайтын талантты жас педагогтардың ең үздігін анықтау, кәсіби біліктіліктерін шыңдау мақсатында өтті. Осы бауқауға 11 (№12, 16, 23, 36, 39, 41, 54, 63, 82, 92) жас маман мына пәндер бойынша: қазақ тілі және әдебиеті, ағылшын тілі, тарих, география, бейнелеу, сызу, технология және бастауыш сынып мұғалімдері қатысты.

Байқаудың негізгі мақсаты: дарынды жас мұғалімдерді анықтау және олардың кәсіптік шеберлігін арттыру; жас мұғалімдерді шығармашылыққа, жаңашылдыққа итермелеу және ынталандыру; жас мұғалімнің заман ағынына сәйкес болуын қадағалау.

     Байқауға мектепішілік және сырттай іріктеу кезеңінен өткен жас ұстаздар қатысты. Байқауға қатысушылар «Таныстыру», «Ширату», «Өз өнерін көрсету»  кезедері бойынша өзара бақ сынасты. 

      Тәуелсіздігіміздің туын желбірететін, өзге  елдермен тереземізді теңестіретін – білім. Сол білім  оқушыларға дарыса, сана сезімінен көрініс тапса жас ұстаздардың еңбегінің жемісі болмақ. Міне, жас ұстаздар байқау барысында өздерінің шеберліктерін, білімділіктерін танытты.

Байқаудың  сырттай және іштей кезеңдердің қортындысы бойынша жеңімпаз-Бас жүлде иегері және жүлдегерлер анықталды.

«Жас педагог – 2017» қалалық байқауының жеңімпазы, Бас жүлде иегері Есмагамбетова Лязат Оралбаевна, №16 ЖББОМ бейнелеу,сызу,технология пәнінің мұғалімі.

«Жас педагог – 2017» қалалық байқауының жүлдегерлері: 

1 орын-  Қуанышбек Зарина Қайратқызы №23 ЖББОМ қазақ тілі және әдебиеті пәні мұғалімі, 2 орын - Ошанова Елигай Канатқызы №92 гимназиясының география пәні мұғалімі, 3 орын - Иманбеков Кайрат Берікболұлы №54 ЖББОМ қазақ тілі және әдебиет пәні мұғалімі. 

Байқауға қатысушылардың барлығы алғыс хатпен марапатталды.

Жеңімпаз бен жүлдегерлерді және қатысушыларды құттықтаймыз!

Жас ұстаздарымыздың қиындығы мен қызығы мол ұстаздық жолында қанаттары талмай шыңдала берсін деп тілейміз.