20 сәуір қалалық білім бөлімі әдістемелік кабинет жоспарына сәйкес №68 МИББ кешенінде оқыту қазақ тіліндегі қазақ тілі, әдебиет мұғалімдеріне арналған семинар болып өтті.
Мақсаты: Әрекеттік педагогика туралы мәлімет бере отырып, интербелсенді әдістерді тәжірибеде тиімді қолдану жолдарын көрсету.
        ҚББ әдіскері Жаркеева Г.Б. «Әрекеттік педагогика.Оқу процесіндегі интербелсенді әдістер» тақырыбында баяндама жасап, семинарға қатысушылармен кәсіби сұхбат жүргізді.
7б-сыныбындағы Қадыр Мырза-Әлі. «Кәрі қыран» тақырыбындағы ашық сабақ мұғалімдерге әдіскердің теория жүзінде берген түсініктерін сабақ үрдісінде бақылауларына және ашық сабақ берген ұстаз А.С.Бекмаганбетоваға өз тәжірибесімен бөлісуіне, кәсіби шыңдалуына мүмкіндік берді. Директордың орынбасары С.Т.Изтилеуова өткізген «Өз жұбыңды тап» тренингі,  қазақ тілі мен әдебиеті пәні мұғалімі Т.Р.Төрегелдинаның ұйымдастыруымен болған «Поэзиядан бір сәт...» атты сыныптан тыс шарасы,  С.Т.Изтилеуова мен А.С.Бекмаганбетованың ұйымдастыруымен өткізілген «Диалогтық оқытудың маңызы» атты дөңгелек үстел мұғалімдердің қызығушылығын дамытып, семинар маңызын арттыра түсті.
     Семинар соңында мұғалімдер рефлексия жазып, ой қорытты, «Екі жұлдыз,бір тілек» арқылы кері байланыс жүргізілді.