2016 жылдың 15 желтоқсанында Қарағанды қаласының білім бөлімінің ұйымдастыруымен Балалар және жасөспірімдер сарайында Қазақстан Республикасының Тәуелсіздігінің 25-жылдығына арналған «Менің елім –Тәуелсіз Қазақстан» атты гала концерт ұйымдастырылды.

Бұл іс-шараға қаланың мемлекеттік, жеке меншік балабақшалары және шағын орталықтары қатысты. Гала концертке қатысушылар 06-09 желтоқсан аралығындағы іріктеу кезеңінен өткен 62 мектепке дейінгі ұйымнан келген 680 мектеп жасына дейінгі бала қатысты.

Шараның мақсаты Қазақстан Республикасы Тәуелсіздігінің 25 жылдығына орай және жалпыұлттық құндылыққа негізделген  «Мәңгілік Ел» идеясын іске асыру аясында мектеп жасына дейінгі балалардың шығармашылығын қолдау және насихаттау.

 

Ең үздік болып өздерінің шығармашылық қабілеттерін көрсете білген  28 мектепке дейінгі ұйымдардың тәрбиеленушілері танылды. Олар: «Айсұлу», «Ертөстік», «Ақбөпе», «Мерей», «Бахыт», «Толағай», «Тілек», «Аяла», «Гүлнұр», «Алпамыс», «Балапан», «Алданыш», «Ақжарқын» ЖМБ, «Ақбота», «Мөлдір», «Балдырған», «Балбөбек», «Айгөлек» «Бәйтерек», сонымен қатар №82, 68, 51, 77, 82, 64 ,41 мектеп негізіндегі шағын орталықтардың тәрбиеленушілер.