26.10.2016 ж күні қалалық білім бөлімінің жоспарына сәйкес «Ә.Бөкейхан атындағы №76 ЖББОМ» КММ базасында «Математика пәні бойынша оқушыларды ОЖСБ-ға дайындаудың әдіс - тәсілдері» тақырыбында қалалық семинар-практикум өтті.

      Семинардың мақсаты:Математика пәні бойынша оқушыларды ОЖСБ-ға дайындаудың әдіс–тәсілдерін көрсете отырып, мұғалімдермен іс-тәжірибе алмасу.

      Семинар  Әлихан Бөкейханның  туғанына 150 жыл толуына орай мектеп мұражайының таныстырумен басталды. Алғы сөз кезегінде директордың оқу-тәрбие ісі жөніндегі орынбасары Ракишева Жайран Жакипбековна мектеп жайлы және математика бірлестігінде қызмет істеп жатқан пән мұғалімдерінің еңбектері туралы мәлімет берді.

     Семинардың ашылуын ҚББ әдіскері Аязбекова Гульнур Узакбаевна кіріспе сөзімен бастап, теориялық бөлімінде «ОЖСБ ережелерімен» таныстырып, әдістемелік көмек беріп өтті. №76 ЖББОМ математика, информатика және физика бірлестігінің жетекшісі Исатаева Гаухар Ораловна «Математика сабағында оқушылардың функционалдық сауаттылықтарын арттыру – заман талабы» тақырыбында, №68 МИББ кешенінің математика пәні мұғалімі Акбаева Замзагуль Темировна «Математика пәні бойынша оқушыларды ОЖСБ-ға дайындаудың әдіс-тәсілдері» тақырыбында іс-тәжірибелерін орта5а салды. Семинардың практикалық бөлімінде №76 мектептің математика пәні мұғалімдері Куржубаева Перизат Амангельдикызы, Ешимжанова Роза Шаншаровна, №25 мектептің математика пәні мұғалімі Есмагамбетова Жанар Ереновнаның ұйымдастыруымен «Оқушыларды ОЖСБ-ға дайындау барысында оқытудағы жаңа әдіс-тәслдердің маңыздылығы» тақырыбында коучинг өткізілді.

       Мұғалімдерге әдістемелік көмек мақсатында ОЖСБ-ға дайындаудың жаңа әдіс-тәсілдерін көрсете отырып, коучинг тәжірибемен ұштастырылды. Ұсынылған барлық жұмыстарға белсенділік пен қызығушылық танытқан мұғалімдер өткізілген  семинар жоғары деңгейде өткенін айтып, баға берді.