«Қарағанды қаласы білім бөлімінің» ММ ӘК жылдық жоспарына сәйкес 2016 жылдың 21 қыркүйегі, сағат 14.00-де орыс тілді мектептердің  3-8 сыныптарында оқитын өзге ұлт өкілдерінің арасында №23 ЖББОМ-те

І қалалық "Тәуелсіздік -тірегім" атты  жазба жұмыстары байқауы өткізілді.       

         Байқау Қазақстан Республикасы Тәуелсіздігінің 25 жылдығына және қазақ халқының ұлы тұлғалары ағартушы, педагог, фольклоршы, этнограф, жазушы Ыбырай Алтынсариннің туғанына 175 жыл, қазақтың ақыны, әдебиет зерттеуші ғалымы, түркітанушы, публицист, педагог, аудармашы, қоғам қайраткері Ахмет Байтұрсынұлының туғанына 145 жыл толуына орайластырып өткізілді.    

        Байқаудың мақсаты- орыс мектептерінде білім алатын жас ұрпақ арасында ұлылардың шығармашылықтарын ұлықтау, мектеп оқушыларының еліне, туған жеріне деген патриоттық сезімдерін арттыру,сауатты жазу дағдыларын қалыптастыру; мектеп оқушыларының арасынан қазақ тілінен жазу сауаттылықтары жоғары оқушыларды анықтау.

             Байқауға 44 білім беру ұйымынан 84 оқушы  қатысты.Байқау нәтижесінде  

       көптеген оқушылар өздерінің жақсы білім деңгейлерін көрсетіп, байқау 

жеңімпаздары анықталды. Байқау жеңімпаздары Қарағанды қаласы білім бөлімінің грамоталарымен   және алғыс хаттарымен марапатталды.

           Байқауды ұйымдастырып өткізуге белсене атсалысқан №23 ЖББОМ       

      ұжымына және қазақ тілі ӘБ мұғалімдеріне алғыс жарияланды. 

        Ұстаздар тарапынан байқаудың алғаш рет өткізіліп отырғандығы және осындай байқаулардың өткізіліп тұру қажеттілігі  айтылды.