25.09. 2015 жылы №86 ЖББОМ-де қазақ мектептеріндегі  және аралас мектептердегі қазақ тілі мұғалімдері үшін «Әдістемелік бірлестік – мектептегі оқу-тәрбие үрдісінің басты тірегі» атты семинар болып өтті. Семинарда: Әдістемелік бірлестік дегеніміз не? ӘБ мақсаты мен міндеттері қандай? ӘБ жұмысының басты бағыттары, Әдістемелік бірлестіктің жоспарын құру, құжаттама жүргізу тәртібі туралы әдіскер Г.Б. Жаркеева, аталмыш мектептің әдістемелік жетекшісі Жұманова Г.Ж. және тәжірибелі ұстаз Абильдина Н.К. қатысушылармен топтық жұмыс ұйымдастырды. Бес топтан құралған ұстаздар өз жобаларын қорғап, пікірлерімен бөлісті. Мектептегі бірлестік жұмыстары   ҰБТ нәтижелерімен де бағаланатындықтан  «ҰБТ жетістіктері жоғары болу үшін бірлестік жоспарына қандай іс-шараларды енгізуге болады?» - деген сұрақ төңірегінде  топтар «ҰБТ-ға дайындаудың негізгі қағидалары» кластерін құрып, қорғады. Әр бірлестіктегі жүйелі жұмыстар ҰБТ нәтижесін жақсартуға үлкен септігін тигізеді деген қорытындыға келген ұстаздар семинар соңында семинардан алған әсерлерін, тақырып күрделі болса да көкейлерінде жүрген біраз сауалдарға жауап алғандарын айтып, рефлексияларын «5 жолды өлең жолы» әдісімен түйіндеді.