2014 жылғы 20 ақпан күні №52 ОМ-те  орыс тілінде оқытатын мектептердегі қазақ тілі мен әдебиеті мұғалімдері арасында қалалық 

 «Медиа сабақтар» фестивалі  болып өтті.

       Медиа-сабақтар фестивалінің мақсаты мен міндеттері:

1.Мемлекеттік тілді оқыту әдістемесін жетілдіру, озық инновациялық оқу-әдістемелерін әзірлеуге ықпал ету, тәжірибе алмасу.      

2. Компьютерлік технологияны қазақ тілін оқыту әдістемесінде пайдалануға колдау жасау;     

3. Теле-радио, бейне-аудио, интернет сабақтарын және электрондық оқу құралдары мен қашықтан оқыту жүйесін жүзеге асыруға,  дамуына ықпал ету;     

4. Мемлекеттік тілді оқытудың мақсат-міндеттеріне, мазмұнына игі ықпал ете алатын озық инновациялық идеяларға, жобаларға, бағдарламалар мен компьютерлік оқыту бағдарламаларына сараптама жасау.  

     Фестивальге тапсырыс берген барлық мұғалімдер өздеріне берілген уақыт аралығында өз жұмыстарымен   әділқазылар алқасын, фестивальге қатысушылар мен  әріптестерін таныстырып, қорғап шықты. Барлық мұғалім бұл сайысқа үлкен жауапкершілікпен, үлкен дайындықпен  келген. 

    Фестиваль қорытындысында бас жүлдеге №101 МЛ мұғалімдері Муханова К. А. мен Тілеубергеновна С. С. ие болса, 1-орынды  қазақ әдебиеті пәні бойынша өз жұмысын өте жақсы  деңгейде дайындап келген №35 ОМ мұғалімі Саттибекова М. Е. иеленді. 2-орынды №45 және №9 гимназияның мұғалімдері Асанова Ж. Асқарова Ж. және Ахметова.А.А. өзара бөліссе, 3-орынға №38 гимназияның мұғалімдері және №63 ОМ, №15ОМ, №34 ОМ мұғалімдері ие болды.