Қарағанды облысы білім басқарамасымен Қарағанды қаласы білім бөлімінің қолдауымен 2013 жылғы 30 қазанда №92 және 93 гимназияларда қаланың білім беру ұйымдары директорлардың тәрбие ісі жөніндегі орынбасарларының, медицина қызметкерлерінің және оқушылардың Қазақ тағамтану Академиясының профессоры А.С. Қонақбаевпен кездесулері ұйымдастырылды.   

Қазақстандағы дененің артық салмағының алдын алу және семіру тақырыбына арналған осы кездесулер барысында денсаулықты және денелік белсенділікті сақтау үшін дұрыс тамақтанудың маңыздылығы, салауатты өмір салтын ұстанудың қажеттілігі туралы айтылды. 

Кездесулерде оқушыларға ескертпелер таратылып, педагогтарға және медицина қызметкерлеріне қатысу туралы сертификаттар табыс етілді.