Сауықтыру демалысы баланың күш-қуатын, денсаулығын арттыруға, денеге түсетін және психологиялық ауырлықты жеңілдетуге, сонымен қатар баланың жаз мезгілінде бос уақытын тиімді ұйымдастыруға көмектеседі. Балалармен және жасөспірімдермен жазғы уақытта жұмыс жасаудың мақсаты олардың  демалу, сауығу, бос уақыттарын ұйымдастыру үшін тиімді жағдай жасау, құқық бұзушылықтың алдын алу, балалар арасында салауатты өмір салтын насихаттау болып табылады.
2013жылғы 03 маусымнан бастап қаланың барлық білім ұйымдарында мектеп жанындағы және бейіндік лагерьлер өз жұмысын бастады. Мектепішілік лагерьлердің бағдарламасына әр түрлі іс-шаралардың  өткізілуі, олардың ішінде шығармашылық және ойын бағдарламалары, байқаулар, кездесулер, спорттық эстафеталар, қаланың мәдени-сауықтыру орталықтарына бару, демалыс орындарына, саябақтарға, кинотеатрларға, хайуанаттар бағына экскурсиялар және басқалары енгізілді.
Ағымдағы жылдың жаз маусымында жалпы 28 мыңнан астам балалар қамтылған мектеп жанындағы және бейіндік лагерлердің 5 ауысымын ұйымдастыру жоспарлануда.