Қалалық Қамқоршылық кеңесінің бастамасымен 2013 жылғы сәуір айында №36 орта мектепте ата-аналар қауымдастығының өкілдері арасында «Менің отбасым» атты қалалық байқау өткізілді. Байқау отбасыларды белсенді қоғамдық және мәдени іс-шараларға тарту, отбасылық құндылықтарды және дәстүрлерді насихаттау, ұрпақ сабақтастығын сақтау, сонымен қатар өскелең ұрпаққа эстетикалық және рухани-адамгершілік тәрбие беру ісінде отбасылық шығармашылықтың рөлін арттыру мақсатында ұйымдастырылды. Байқауға үш номинация «вокал», «хореография» және «дәстүрлі ойын қойылымы» номинациялары бойынша өз өнерлерін көрсеткен 30 астам отбасы қатысты. 

Байқаудың қорытындысы бойынша жүлделі орындарға ие болғандар: «вокал» номинациясында - Досымбаевтар отбасы (Гран-при, №101 мектеп-лицей), Столащук  отбасы (№37 ОМ, 1 орын), Нечаевы-Малхасян отбасы (№38 гимназия, 2 орын), Ташпулатовтар отбасы (№54 ОМ, 3 орын); «хореография» номинациясында - Мухамадиевтер отбасы (№9 гимназия, 1 орын), Азихановтар отбасы (№33 ОМ, 2 орын), Кожахметовтар отбасы (№12 ОМ, 3 орын); «дәстүрлі ойын қойылымы» - Касымовтар отбасы (№17 ОМ, 1 орын), Шаушековтар отбасы (№73 ОМ, 2 орын), Далибаевтер отбасы (№13 ОМ, 3 орын). Сонымен қатар, жеке номинацияларда Жексенбаевтар отбасы (№76 ОМ, «Ұрпақ сабақтастығын нығайту үшін» номинациясы), Абильдиндер отбасы (№3 гимназия, «Ең үздік өзіндік қойылым» номинациясы) анықталды.