Қарағанды қаласының білім ұйымдарында 2013 жылғы наурызда «Есірткісіз көше» қозғалысы шеңберінде алдын алу іс-шаралары жүргізілді. Оқушылардың арасында салауатты өмір салтын және бос уақыттың тиімді өткізілуін насихаттау, жағымсыз әрекеттердің алдын алу, сонымен қатар есірткі заттардың зияндығы туралы ақпаратты оқушыларға жеткізу мақсатында  қала мектептерінде сынып сағаттар, тақырыптық викториналар, радиолинейкалар, «Қазақстанның болашағы-салауатты ұрпақ», «Біз өмірді таңдаймыз!», «Болашаққа-есірткісіз» және басқа тақырыптарда суреттер және плакаттар байқаулар өткізілді. Білім ұйымдардың 5-11 сынып оқушылары арасында «Салауатты болу неліктен маңызды?», «Наркомания және оның салдары дегеніміз не?» бейнефильмдері көрсетілді және олардың соңында психологтар мен медицина қызметкерлері алдын алу әңгімелесуін өткізді. Қала мектептерінің 9-11 сынып оқушылары үшін наркология диспансері, ЖИТС облыстық орталығы, салауатты өмір салтын қалыптастыру орталығы, отбасылық-дәрігерлік амбулаториялары мамандарының қатысуымен дәрістер ұйымдастырылды. Сонымен қатар, білім ұйымдарында шағын футбол, волейбол, баскетбол, теннис спорт түрлерінен сайыстар, «көңілді старттар», эстафеталар өткізілді. Білім ұйымдары наркологиялық бекеттерінің, полицияға қолғабыс ету шұғыл жасақтары мүшелерімен «Салауатты отбасы - салауатты ұрпақ» атты  ескертпелерді құрастырып, ата-аталар арасында таратты.