Елбасы Н.Ә. Назарбаевтың Қазақстан халқына жолдаған «Қазақстан-2050» Стратегиясы Қалыптасқан мемлекеттің жаңа саяси бағыты» атты Жолдауының негізгі бағыттарын түсіндіру және іске асыру мақсатында 2013 жылғы 21 ақпанда Қарағанды қаласы білім бөлімінің ақпараттық-насихаттау тобы №92 гимназияның педагогикалық ұжымымен кездесу өткізді.   

Кездесу барысында қалалық білім бөлімі бастығының орынбасары А.Д. Мештаев қатысушыларды Жолдаудың негізгі бағыттарымен және Елбасының педагогтар алдына қойған маңызды міндеттерімен таныстырды. Гимназия директоры А.О. Мусина Президент Жолдауын жүзеге асыру және мұғалімдер, ата-аналар қауымдастығы арасында «Қазақстан-2050» Стратегиясының негізгі қағидасын түсіндіру бойынша жасалған жұмыс жөніндегі ақпаратпен сөз сөйледі. Сонымен қатар, кездесуде Елбасы Жолдауын жүзеге асырудағы педагогтардың үлесі жөнінде гимназияның ақпараттық-насихаттау тобының мүшелері - география пәнінің мұғалімі С. Алтынбековке, тарих пәнінің мұғалімі  Г.Қ.Түсіпкалиеваға да сөз берілді. 

Жалпы Елбасы Жолдауын талқылау барысында мектептегі оқу-тәрбие үрдісінің, балалармен тәрбие жұмысының формаларын одан әрі жетілдіру және мектеп пен ата-аналар қауымдастығының қарым-қатынасын жандандыру  мәселелеріне ерекше назар аударылды.