2012 жылдың 26 желтоқсанында Қарағанды қаласы әкімінің орынбасары И.Ю.Любарскаяның қатысуымен өткен білім беру ұйымдары басшыларының мәжілісі барысында, 2012 жылғы білім беру жүйесінің  әлеуметтік-экономикалық дамуына қорытынды жасалды. Қарағанды қаласы білім бөлімінің бастығы Д.Ш.Жекебаев өзінің сөзінде «соңғы апта бойы біз бәріміз «Қазақстан-2050» Стратегиясын мұқият зерделеп жатырмыз, сондықтан 2012 жылдың қорытындысы және жаңа жылға арналған тапсырмаларды отандық білім беру жүйесін әлемдік стандарттарға жеткізетін  Президент берген   тапсырмалармен  үйлестіреміз» деп атап өтті. Қортынды есепте мемлекет Басшысының білімге қойған өзекті міндеттері айтылды, солардың біреуі- ұстаз мәртебесін көтеру, себебі мұғалім -білім берудегі  ең басты қозғалғыш күш болып табылады. 2011 жылдан бастап мұғалімдер санаттарына сәйкес  жалақыларына үстемелер алып келе жатыр және осы жағдай жалғасын таппақ. 2012 жылы осы мақсатта 210 млн. тг бөлінді. 2009 жылы Президент бастамасымен «Балапан» бағдарламасы енгізілді. Аталған бағдарламаны іске асыру жылдарында қалада 4 бала-бақша салынды, 2уі қалпына келтірілді, 11 шағын-орталық ашылды,  бұл балалардың бала-бақшамен қамтылуын 2009 жылғы 62%-дан 2012 жылы 86% көбеюге мүмкіндік туғызды.

Электронды оқытуды енгізу орта білім беру сапасы өсуінің тиімді механизмі болып табылады. Осы аталған жобаға 2012 жылы 42 мектеп қосылды. 2013 жылы жобамен 20 білім беру ұйымдары қамтылатын болады. Ал 2015 жылда барлық мектептер 100% қамтылады. 2012 жылы 46 кабинет, 6 интерактивті подиум, 514 компьютер сатып алынды. Енді қала мектептері  159 пәндік кабинеттермен жабдықталған. Қала мектептерінің компьютер паркі 8013 машинаны құрайды, яғни 1 компьютерге 6,5 баладан келеді. Орта білім берудің бәсекеге қабілеттілігін қамтамасыз ету мақсатында көптілдікті енгізу, діни эксремизммен және балалардың құқыққа қарсы қылықтарының алдын-алу жұмыстары және салауатты өмір салтын қалыптастыру жұмыстары  жалғасын табуда. Қарағанды қаласы білім бөлімінің бастығы қорытынды сөзде, «мектеп оқушыларымен бірге Жолдауды жаттап ғана қоймай, оның негізгі идеялары әрбір адамның өмірінің бағыты болуын қамтамасыз ету» керектігін көрсете айтты. Қарағанды қаласы әкімінің орынбасары И.Ю. Любарская  мектеп мұғалімдерін құттықтап,жыл ішінде қаланың білім беру жүйесінің дамуына бағытталған үлкен жұмыстар атқарылғанын айтты және білім беру ұйымдарының басшыларына бірқатар тапсырмалар тізбегін қойды. Мәжілістің өткізілген жері - № 92 гимназия кездейсоқ таңдалмаған: гимназия 2 жыл бойы   e-lerning жобасын жүзеге асыруда, 12-жылдық оқытуға эксперименттер өткізуде. Мәжіліс  on-line режимінде тасымалданып, оған төрт мыңнан астам педогогтар қатыса алды.