Қарағанды облысының білім беруді дамытудың оқу-әдістемелік орталығының ұйымдастыруымен Қарағанды қаласының барлық білім үйымдарында Оқу сауаттылығы апталығының 2-ші күні өткізілді.

           Бастауыш сыныптар арасында «Жүйріктен жүйрік озар жарысқанда» тақырыбымен Kahoot әдісі арқылы тестілеу, Ы.Алтынсаринның шығармаларынан шағын кітапша дайындау, «Бақша әңгімелері» әңгімесін оқу және талқылау, осы мәтін негізінде "Бестік" шығармашылық диктантын жазу шаралары ұйымдастырылды. Сонымен қатар «Біз – бақытты ұрпақпыз!» атты тәрбие сағаттары  өтті. Оқушылар мен мұғалімдер жоспар бойынша барлық тақырыптармен тығыз жұмыс жасады.

       Өткізілген шаралар оқушылардың әдеби тілін дамытып, сауаттылыққа баулу, танымдылық белсенділіктерін дамыту және қызығушылықтарын арттырады. Шығармалармен жұмыс жасауда оқушылар мәтінді іздеп тауып, танысып сыныпта талдап өз ойларын, пікірлерін еркін жеткізіп айта білді. 

Бастауыш сынып оқушылары қосымша мәтіннен кез-келген сөзді таңдап жазу, сөзбен сөйлем құрап жазу, өз ойынан сұрақ құрастыру, сол сұраққа жауап беру және түйін жазу әдіс-тәсілдерімен жұмыс жасады. 

Аталған шаралар барысында балалар оқу сауаттылығын көрсетумен қатар қызығушылығын көрсете білді. Апталықтың 2 күніне 2-4 сыныптардың 330 оқушысы қатысты.