Қарағанды қаласы білім бөлімі әдістемелік кабинетінің жоспарына сәйкес  Әлихан Бөкейхан атындағы №76 жалпы білім беретін орта мектеп базасында қалалық «Абай және Әлихан әлемі...» атты оқушылар арасындағы ақындар мүшәйрасы болды. Мүшәйра  ұлы ақын Абай Құнанбайұлының 175 жылдық мерейтойы қарсаңында ақынның шығармашылық мұрасын және алаш көсемі Әлихан Бөкейханның қазақ халқына сіңірген еңбегін насихаттау, ұлы тұлғалардың мұрасы арқылы жас ұрпақты отансүйгіштікке тәрбиелеу, жас,талантты ақындарды тану, өлең құдіреті арқылы мемлекеттік тіл мәртебесін көтеру мақсатында өтті.  Жыр мүшәйрасының 1-кезеңіне  27 оқушы қатысып, іріктеу кезеңіне 13 оқушы дараланып шықты. Мүшәйраға қатысушыларға Қайрат Асқар, Шалқар Жәлел, Жәнібек Әлиман, Шопен Әділет сияқты ақындар қазылық етті. 2-кезеңде қатысушылар қазылар алқасының алдында өлеңдерін оқып, өнерлерін паш етті.

Қазылар алқасының шешімімен  №36 ЖББОМ оқушысы Тұрсын Имамәзі жүлделі І орын дипломымен марапатталды.  ІІ орынға №17 ЖББОМ оқушысы Аманбай Ақбота және №77 МББК оқушысы Наурызбай Толғанай,  ІІІ орынға  №54 ЖББОМ Жорабекова  Арай, №40 НМ оқушысы Қари Аружан ие болды. Жүлделі орынға ілікпеген басқа  оқушылардың барлығына алғыс хат берілді.

Мүшәйра жеңімпаздарын құттықтаймыз!