2020 жылы 29 қаңтарда «Бақыт» бөбекжайы» базасында әлеуметтік – педагогикалық «Адал бөбек»  - жобасы аясында «Шындық аспанының  астында» тақырыбы бойынша семинар – шеберлік сыныбы өтті. 

Семинардың мақсаты  мектепке дейінгі педагогикалық қоғамды әлеуметтік – педагогикалық «Адал бөбек»   жобасымен таныстыруды, тәжірибе алмасуды, балалардың құқықтық тәрбиесін насихаттауды  жалғастыру болды.

Семинарға мектепке дейінгі мемлекеттік ұйымдар мен шағын орталықтардың 47  әдіскерлері қатысты. Бөбекжай педагогтары: «Пікірлестер бірлестігі» желілік қоғамдастығының диалог – презентациясын, «Адалдыққа ақ жол», «Шындық  Land» кіріктірілген ҰОҚ-рін,  «Өзіндік ойын»  интерактивті іскерлік  ойынын, «Әрқашан күн сөнбесін» музыкалық  бағдарламасын, «Мұны білу өте маңызды!» құқықтық клубының презентациясын, «Сен – маған, мен – саған» ата – аналар жиналысының үзіндісін, « Біз болашақ еріктілер» жобасының тұсаукесерін,   «Отсыз түтін болмайды» іскер ойынын  ұсынды.

Семинарға қатысушылар балаларда құқықтық білімдерді қалыптастыру бойынша өздерінің кәсіби құзіреттіліктерін арттыруға мүмкіндік алды.