2019 жылдың 17 мамырында КМҚК «Бәйтерек» бөбекжайында мектепке дейінгі білім беру ұйымдарының логопедтері мен дефектологтарының әдістемелік бірлестіктері (ӘБ) өтті.
        Әдістемелік бірлестік «Позитивті дем ал», яғни семинар қатысушыларына демдерін әр алған сайын ойларына позитив қуаты енгенін, ал демді әр шығарған сайын қажетсіз ойлар, кедергілер бойдан кеткенін сезіну ұсынылып, позитивті көңіл-күйден басталды. «Жұлдызды ел-логопедия» көктемгі квест ойыны әдістемелік бірлестік қатысушыларына өздерін еркін ұстап, белсенділік танытуға көмектесті.
        Бөбекжай логопеді «Балауса» ортаңғы тіл ақау тобында «Біздің кішкентай достарымыз» атты арнайы түзету оқу қызметін көрсетті.  Арнайы түзету оқу қызметі әдістемеге сәйкес, заманауи әдіс-тәсілдердің қолданылуымен құрылған. Оқу қызметтің әр бөлімінде инновациялық дамытушы ойындар, интерактивті тосын сәттер, қос тілдік компоненттер қолданылды. Әдістемелік бірлестік қатысушылары арнайы түзету оқу қызметін жоғарғы деңгейде өтті деп бағалады.
         Ботлик Роботы семинардың келесі қатысушыларын: «Аяла», «Ертөстік», «Айсұлу» бөбекжайларын анықтап берді. «Ертөстік» бөбекжайы логопедтің түзету жұмыстарында компьютерлік ойындарды құру тәжірибесімен бөлісті. «Аяла» бөбекжайы «Бірге ойнайық, тілді дамытайық» керемет шебер сабағын көрсетті. «Айсұлу» бөбекжайы «Тиінге арналған жаңғақтар» дидактикалық ойынын дайындау тәжірибесімен бөлісті.              Семинардың «Екі жұлдыз-бір тілек» рефлексиясы әдістемелік бірлестік жұмысын жоғарғы деңгейде сапалы және өнімді өткенін көрсетті.