2019 жылдың 04 мамыр « № 68 мектеп интернаты» КММ негізінде Қарағанды қалалық білім бөлімінің әдістемелік кабинет жоспарына сәйкес «Инклюзивті білім беруді қамтамасыз ететін мамандардың қызмет тиімділігін талдау» тақырыбында дөңгелек үстел өтті.
        Іс-шараға Қарағанды қаласының мектепке дейінгі білім беру ұйымдарының басшылары, білім ұйымдарының инклюзивті білім беру үйлестірушілері қатысты.
 Дөңгелек үстел аясында эксперимент шеңберінде жұмыс жүргізетін МДБ жұмысының талдауы, Ресурстық орталық жұмысының талдауы, стажерлық және магниттік алаңдар есебі берілді, келесі жылғы білім бөлімінің жобалық қызметінің жоспарлары талқыланды.
 Жұмыстың қорытындысы бойынша қатысушылар ерекше білім беруді қажет ететін балалардың толыққанды дамуы үшін білім беру мекемесінің қабырғасында болуы жеткіліксіз, баланың жеке дара қажеттіліктерін қамтамасыз етуде мамандардың іс-әрекетін мақсаттан әрекетке негіздеу қажеттілігін басты назарға алу туралы шешім қабылдады.