Қарағанды қаласында кезекті басқару жүйесі (бұдан әрі - жүйе) жүзеге асырылуда, бұл кезекке қоюдан бастап балабақшаға жолдама алу және балабақшаға тіркеу процестерін толықтай автоматтандырады. Бұл жүйе екі мемлекеттік қызметті оңтайландырады: «Мектеп жасына дейінгі балалар ұйымдарына жолдама алу үшін мектепке дейінгі жастағы балаларды (7 жасқа дейін) кезекке қою» және «Мектепке дейінгі білім беру ұйымдарына құжаттарды қабылдау және балаларды қабылдау»және келесі нормативтік құжаттар негізінде жүзеге асырылады: 1.«Мектеп  балаларды оқыту және тәрбиелеу саласындағы жергілікті атқарушы органдармен көрсетілетін мемлекеттік қызметтер стандарттарын бекіту туралы» Қазақстан Республикасының Білім және ғылым министрінің 2015 жылғы 7 сәуірдегі № 172 бұйрығына өзгерістер мен толықтырулар енгізу туралы» Қазақстан Республикасы Білім және ғылым министрінің 2017 жылғы 11 қазандағы № 518 бұйрығы; 2.Мектепке дейінгі балалар ұйымдарына кезектілікті қалыптастыру мен оның қызметін және жолдамаларды беру процесін автоматтандыру жөніндегі әдістемелік ұсынымдар (Қазақстан Республикасы Білім және ғылым министрінің міндетін атқарушының 2017 жылғы 14 шілдедегі № 337 бұйрығымен қабылданған). Бүгінгі күні мектепке дейінгі ұйымдардағы балалар кезегі электрондық үкімет порталынан garden.kargoo.gov.kz порталына көшірілді. Кезек қалыптастыруда айырмашылықтар бар: енді кезек кезекте тек бала өтінішінде көрсетілген баланың туған жылы үшін, балабақшаға «міндетті» емес кезекте қалыптастырылады.Қазір жүйеде 2011, 2012, 2013, 2014, 2015, 2016, 2017, 2018 жылдардың балалар кезегін көруге болады. Ең алдымен, ата-аналар кезектің кезекті санының айтарлықтай өзгеруіне алаңдайды: бұл факт орынды алуына әсер етпейді, себебі Қарағанды қаласында үш жастан бастап мектепке дейінгі тәрбиемен қамту үшін жеткілікті орын бар. Кезекте өтініштер...

     2018 жылғы 02 ақпанда Қарағанды қаласының Балалар және Жеткіншектер сарайында қала әкімінің  орынбасары И.Ю.Любарскаяның қатысуымен Республикалық  олимпиаданың қалалық кезеңінің жеңімпаздары мен жүлдегерлерін марапатау рәсімі болып өтті.        Сарайында қаланың 43  мектебінен келген өз пәнінің білгірі екенін дәлелдей алған  оқушылар, ата-аналар,  педагогикалық еңбек ардагерлері, білім ұйымдарының басшылары қатысып отырды.      Қала әкімінің орынбасары И.Ю. Любарская олимпиада жеңімпаздарына өз сөзін арнай отырып: «Сендер біздің мақтанышымызсыңдар! Сендер тек өздеріңді ғана емес мектептеріңді де лайықты көрсете білдіңдер. Ой саналарыңның кеңдігін, өз білімдеріңнің тереңдігін, ойлау ерекшеліктеріңді, ең бастысы үздік болуға деген құлшыныстырыңды  лайықты деңгейде көрсете алдыңыздар» Марапаттау рәсімінде  И.Ю. Любарская  соңғы 4 жыл бойы әр түрлі деңгейдегі  пән олимпиадалары мен зияткерлік сайыстардың  жеңімпаздары мен жүлдегерлері атанған   оқушылардың ата-аналарына Қарағанды қаласының әкімі Н.Е.Әубәкіровтің алғыс хатын табыс етті.      Оқушыларды құттықтауға педагогикалық еңбек ардагері, Қазақстан Республикасы білім беру саласының үздігі, «Қазақстан Республикасына еңбек сіңірген қызметкер» атағының иегері Төлеген Жұмашұлы Арконов; педагогикалық еңбектің ардагері, педагогикалық ғылымның кандидаты,  Қазақстан Республикасы білім беру саласының үздігі Константин Александрович Гейнц;  педагогикалық еңбектің ардагері, Қазақстан Республикасы білім беру саласының үздігі Танас Қасымович Нұғманов; Қазақстан Республикасы Білім және ғылым Министрлігінің төсбелгісінің иегері, «2017 жылғы Қазақстан Республикасының үздік педагогы» атағының иегері, № 30 жалпы білім беру орта...

     2018 жылдың 22 қаңтарында Қарағанды қаласы білім бөлімінің міндетін атқарушысы Р.Кенешованың төрағалығымен "Төртінші өнеркәсіптік революция жағдайындағы дамудың жаңа мүмкіндіктері" Елбасының жолдауын талқылауы бойынша білім беру ұйымдары басшыларының қатысуымен үлкен кездесу өтті.  Ол 10 дамытудың басым бағыттарына тоқталып, жетінші міндетіне қатысты білім беру жүйесі жайында сөз сөйледі. Елбасымыз үздіксіз және сапалы білім беру және адам капиталын дамытуға, мұғалім мәртебесін көтеруге аса назар аударады.       Білім беру ұйымдарының басшылары ел дамуының негізгі басымдықтарын қолдап, өз пікірлерімен бөлісті.      Аталмыш жолдау төртінші өнеркәсіптік революция дәуіріне, технологиялық, экономикалық және әлеуметтік салалардағы терең және қарқынды өзгерістер кезеңіне өту үшін не істеу керектігін анықтайды. ҚР Президенті Н.Ә.Назарбаевтың Жолдауы Қазақстанның болашақта дамуына маңызды рөл атқарады, аталмыш Жолдаумен 2050 Стартегиясын жүзеге асыруда жетістіктерге жетеріміз сөзсіз. 

     2018 жылдың қаңтар айының 25-і күні М.Жұмабаев атындағы №39 гимназияда ағылшын тілі мұғалімдеріне арналған   «CLIL  технологиясы. Ағылшын тілі сабақтарында CLIL технологиясының элементтерін қолдану» атты қалалық семинар өтті.     Семинардың мақсаты: «Педагогтардың кәсіби шеберлігін арттыру, оқушылардың тілді үйренуге қызығушылығын арттыру үшін CLIL технологиясын қолдану бойынша өзара іс-тәжірибе алмасу».      Семинар теориялық, іс-тәжірибелік және бейне сабақтар бөлімдерінен тұрды. Теориялық бөлімде № 39 гимназияның ӘК меңгерушісі З.Ж.Ошыбаева, CLIL бойынша 3 айлық курс аяқтаған № 63 ОМ мұғалімі Т.В.Мурзинцева мен № 53 МЛ мұғалімі О.В.Желязо «Көптілді білім берудің тиімді жолы – CLIL технологиясы»  атты баяндамасында «Historical Background» пайда болу тарихы және аталмыш технологияны оқып, енгізу қажеттілігі туралы айтып кетті.      № 39 гимназия мұғалімдері CLIL технологиясының элементтерін қолданып жаңартылған білім мазмұны енгізілген сыныптарда өткізген сабақтырының үзінділерін көрсетіп, әріптестерімен бөлісті. Іс-тәжірибелік бөлімде педагогтар CLIL технологиясының элементтерін пайдалана отырып, 1, 2, 5, 7 сыныптар үшін сабақтардың кезеңдерін жоспарлады. CLIL технологиясы бойынша курсқа қатысқан мұғалімдерден құралған бақылаушылар әріптестерінің әрекетіне баға берді.      Қорытынды бөлімде семинарға қатысушылар өз әрекеттерін бағалап, №39 гимназияның ағылшын тілі мұғалімдерінің әрекетіне оң баға берді.

Жыл сайын біздің мектеп оқушылары қаланың спорттық іс-шараларына белсене қатысады. 2017 жылы Қазыбек би  ауданының барлық мектептері түрлі спорт түрлерінен облыстық спартакиадаға  қатысып, жүлделі орындарды иеленді. ·     шаңғы жарысы – 2 орын; ·     президенттік көпсайыс (қысқы) – 3 орын; ·     баскетбол (ұлдар) – 3 орын; ·     баскетбол (қыздар) – 3 орын; ·     волейбол (жасөспірімдер) – 1 орын; ·     волейбол (қыздар) – 1 орын; ·     президенттік көпсайыс (жазғы / жасөспірімдер) – 3 орын; ·     президенттік көпсайыс (жазғы / қыздар) – 4 орын; ·     футбол – 1 орын; ·     тоғызқұмалақ – 2 орын; ·     үстел теннисі – 1 орын; ·     асық ату – 3 орын;                 Осылайша, оқушылар жүлделі  орындардың қорытындысы бойынша  ең көп ұпай жинап, Қарағанды ​​облысының аудандары арасында 1 орынды иеленді. Октябрь аудандық  мектеп оқушыларының да  қатысуы жүлделі  болды: ·     шаңғы жарысы – 1 орын; ·     президенттік көпсайыс (қысқы) – 1 орын; ·     баскетбол (қыздар) – 5 орын; ·     волейбол (жасөспірімдер) – 4 орын ·     волейбол (қыздар) – 3 орын; ·     президенттік көпсайыс (жазғы / жасөспірімдер) – 5 орын;...

Қарағанды қаласының білім бөлімімен 2018 жылдың 19 қаңтары білім ұйымдарының басшылары, директордың тәрбие ісі жөніндегі орынбасарлары және мектеп медициналық қызметкерлерінің қатысуымен вирусты «А» гепатитінің алдын алу, сонымен қатар вирусты гепатитке қарсы профилактикалық шараларды нығайту мақсатында онлайн режимінде жиналыс өткізілді.    Аталған іс-шараға Қарғанды облысының денсаулық сақтау басқармасы, Қарағанды қаласының Қазыбек би ауданы қоғамдық денсаулық сақтау басқармасы, Қарағанды қаласының Октябрь ауданы қоғамдық денсаулық сақтау басқармасының өкілдері шақырылды.   Жиналыс барысында жоғарыда аталған ұйымдардың өкілдері гепатит ауруынан сақтану жолдары және оған қарсы жүргізілетін алдын алу жұмыстары жөнінде айтты.  Іс-шара жұмысының қорытындысы бойынша вирусты «А» гепатитінің алдын алу жұмысының одан әрі тиімділігін жоғарлатуға және күшейтуге бағытталған ұсыныстар берілді. 

     Қарағандыда VII қалалық «Жыл оқушысы -2018» байқауы бастау алды. Биыл байқауға қатысуға Қарағанды қаласының 63 білім беру ұйымынан 6-11 сыныптарда оқитын 145 оқушы өтініші берген. Байқау 5 кезеңнен тұрады.      I кезең (іштей) –берілген тақырыпқа эссе жазу. Бұл кезең мектептегі демалыс кезінде «№1 гимназия» КММ өткізілді. Әр сынып аралығында байқау қатысушылары ұсынылған 5 тақырыптың біріне қатысты жазбаша  түрде ой толғау, яғни әрбір байқауға қатысушы берілген тақырыпты еркін меңгергендігін және өткірлігін, ерекше көзқарасы мен өзіндік тұжырымын көрсете алуы керек.      II кезең (іштей) – шешендік шеберлік байқауы Екі кезең нәтижесі бойынша қазылар алқасының мүшелері байқау жұмысы мен байқауға қатысушылардың шешендік өнерін бағалайды және 3-кезең басталғанға дейін әр параллель аралығы бойынша 10 үздік шыққан оқушыны таңдап алады. Бұл оқушылар 3-кезеңге жіберіледі.      III кезең (сырттай) оқушы жетістіктерінің Портфолиосына сараптама жасау түрінде өткізіледі.      IV кезеңге әр сынып аралығы бойынша 4 оқушыдан өтеді.      IV кезең – Оn-line дауыс беру. Оn-line дауыс беру – бұл кезең байқауды, байқауға қатысушыларды және білім бөлімін Қарағанды қаласынан, облыстан және Қазақстан Республикасынан тыс жерлерде танымал етуге мүмкіндік береді. Бұл дауыс беру ақтық сайыстың нәтижесіне әсер етпейді, тек көрермен көзайымы - арнайы сыйлығын иеленетін байқауға қатысушыны анықтайды.      V кезең (іштей) – ақтық сайыс. Ақтық сайыста қатысушының қызығушылығы, мектептегі өмірі, мақсаты, табыстары мен жетістіктері жайлы баяндайтын шығармашылық тапсыра қамтылады. Барлық байқауға қатысушыларға шығармашылық табыс пен көтеріңкі көңілкүй  тілейміз!!!

2018 жылдың қаңтар айының 15 күні  «№92 гимназия» КММ аясында облыстық әлеуметтік-педагогикалық «Біздің айналамыздағы математика» жобасын жүзеге асыру бойынша жалпы білім беретін мектептердің 4 сынып оқушылары арасында стандарттан тыс математикалық тапсырмаларды орындауға арналған қалалық математикалық олимпиада ұйымдастырылды. Олимпиаданың мақсаты: математика пәнінен мықты оқушыларды анықтау, жалпы математикалық мерекелік атмосфера қалыптастыру, математикаға деген ынта-ықыласын арттырып, есептерді өздігінен шешуге итермелеу,  оқушылардың логикалық ой-өрісін дамыту. Байқауға 55 білім беру ұйымдарынан 57 оқушы қатысты. Оның ішінде 16 оқушы олимпиада жеңімпаздары атанды (1 орын-3, 2 орын – 6, 3 орын -7).   Олимпиадалық тапсырмаларының деңгейлері әр түрлі болып түрлі балдық жүйеда бағаланды. Олимпиада жеңімпаздары  қалалық білім бөлімінің 1, 2, 3 дәрежелі дипломдарымен, ал жеңімаздарды дайындаған ұстаздар грамоталармен марапатталды.                Олимпиадада жоғары көрсеткіш көрсеткен бастауыш сынып оқушыларын және оларды дайындаған ұстаздарды жеңістерімен құттықтап, «№92 гимназия» КММ бастауыш сынып ұжымы мен әкімшілігіне (Сейтимбетова Куланшаш Толеккызы) ризашылығымызды білдіреміз! Қалалық математикалық олимпиада жеңімпаздары: 1.     Байленов Алмас Рустамович – №92 гимназия 2.     Сержанова Мерей Ернарқызы – №74 ЖББОМ 3.     Солтанова Сабина – №68 МББК 4.     Есенгельдин Асланби– №15 ЖББОМ 5.     Қызылова Сабина Асетқызы – №39 гимназия 6.     Жакунбекова Тамила Болатовна – №66 ЖББОМ 7.     Аманелді Әбілмансұр Мұратұлы – №92 гимназия...

11 қаңтар күні № 93 гимназия ғимаратында қала әкімінің орынбасары И.Любарскаяның қатысуымен мектепке дейінгі жастағы балаларды балабақшаға қабылдау жүйесін толықтай автоматтандыру үрдісі бойынша БАҚ үшін брифинг өткізілді. Бұл жүйе «"Мектепке дейінгі балалар ұйымдарына жіберу үшін мектепке дейінгі (7 жасқа дейін) жастағы балаларды кезекке қою" және "Мектепке дейінгі білім беру ұйымдарына құжаттарды қабылдау және балаларды қабылдау" мемлекеттік қызметтерін біріктіру арқылы жүзеге асырылуда.   Аталмыш жүйе балабақшаға орналастыруға жолдама алу кезінде ата-аналар мен қызмет көрсетуші арасындағы тікелей байланысты азайтып, мектепке дейінгі мекемелердегі бос орындар туралы мәліметтің ашықтығын қамтамасыз етеді. Жүйе ата-аналарға кезек жағдайы және мектепке дейінгі мекемеден орын алуы туралы электронды ескертпелерді  sms және email арқылы жіберуді ескереді. Қаңтар айының соңына дейін ата-аналар білім бөліміне жүгінбестен, өзбетінше компьютер арқылы немесе мобильді құрылғылардың көмегімен кезекке тұрып, балабақша таңдауға, жолдама алуға мүмкіндік алады.

       2018 жылдың 5-6 қаңтарында 15 жалпы білім беретін пәндерден оқушылардың Республикалық олимпиадасының ІІІ (облыстық) кезеңі өтті. Биылғы жылы олимпиаданың бұл кезеңінде Қарағанды қаласының 20 білім ұйымдарынан 68 оқушы қатысты. Оның ішінде 53 оқушы олимпиада жүлдегерлері және жеңімпаздары (1 орын – 6, 2 орын – 21, 3 орын – 26) атанды.      Жеңімпаздарымыз олимпиаданың Республикалық кезеңінде Қарағанды қаласының абыройын қорғайтын болады.       Облыстық олимпиаданың жүлдегерлері және жеңімпаздары әр –түрлі білім салаларының ең үздігі аталуға мақтанарлық талпыныстарын көрсетті.      № 2 лицей, № 1, 3, 38, 39, 45, 92, 93, 95, 97 гимназия, № 66, 101 МЛ, № 10, 41, 58, 68, 77 орта мектеп оқушылары жоғары көрсеткіштерге ие болы.         Қарағанды қаласы білім бөлімі облыстық олимпиаданың жүлдегерлері мен жеңімпаздарын шын жүректен құттықтайды! Әрине, бұл жеңістерге жету жолында оқушылардың жанында олардың жетекші-ұстаздары, педагогтар, мұғалімдер болмаса  жеңіске жету мүмкін бе еді. Құрметті ұстаздар! Біз Сіздерді осы жеңістеріңізбен құттықтайыз!!! Әрқашан алда болыңыздар! Облыстық олимпиаданың қатысушылар тізімі № Фамилия, имя Мектеп  Сынып  Оқыту тілі Пән Мұғалім Орны 1. Ишмухатоыва Алина 1 10 Орыс құқық Мерсиянцева Валентина Федоровна 2 2. Боголюбов Борис 1 9 Орыс химия Лытнева...

Ең  қызықты  мерекелерінің  бірі - Жаңа  жыл мерекесі  қарсаңында Серік Сапиев атындағы бокс орталығында 2017 жылдың 26 желтоқсаны Қарағанды қаласы әкімінің атынан қайырымдылық жаңа жылдық шырша мерекесі өткізілді. Ісшараға әлеуметтік-қорғалмаған отбасылардан 200 бала қатысты. Балалар үшін Аяз Ата мен Ақшақардың және ертегі кейіпкерлерінің қатысуымен нағыз мереке ұйымдастырылды. Қала әкімімен бірге балалар мерекелік шыршаның шамдарын жағып, жаңа жылдық ертегіні тамашалады. Қарағанды қаласының әкімі Н.Е. Әубәкіров кішкентай қарағандылықтарды келе жатқан Жаңа жылмен құттықтады және балаларға оқуда үздік болуын, барлық армандарының орындалуын тіледі.  Жаңа жылдық мереке соңында балаларға сыйлықтар табыс етілді. 

Қоғамдық сананы модернизациялауды жүзіге асыру аясында Қазақстан Республикасы Тәуелсіздігі күнін мерекелеу қарсаңында 15 желтоқсанда №101 МЛ «Рухани Жаңғыру» білім беру залы ашылды. Залда: - Талғат Байоразовтың «Тәуелсіз Қазақстан» атты тарихи-географиялық композициясы. Картинаның әрбір фигурасы және әрбір бөлшегінде қасиетттілік мағынасы бар. Суретте Тәуелсіз Қазақстанның қалыптасуына  зор үлес қосқан түрлі өнер мен саяси, қоғам, әскери, философиялық, әдебиет сааларының тұлғалары бейнелеген. - Орхон-Енисей ескерткішінің тас мүсіні. Тас мүсінде екі жазу қашап жазылған – үлкен және кіші, әрқайсысы екі тілде-қытай және орхоно-енисейлік түрік тілдерінде.  Кіші жазу –түркі рулары мен тайпаларын біріктірген қағанға мақтау айту; үлкен жазуда Түрік қағанаты туралы тарихи мәліметтер айтылған. Шараға Қарағанды қаласының білім бөлімінің өкілдері мен педагогикалық еңбек ардагерлері қатысты.