Қарағанды қаласының білім беру ұйымдарында өткізілетін
жыл сайынғы жалпыреспубликалық «Мектепке жол» акциясы
Дәстүр бойынша жыл сайынғы жалпыреспубликалық «Мектепке жол» акция барысында, ағымдағы жылда «Менің таңдауым-балаларға көмек көрсету!» ұранымен мектеп жасындағы балаларды білім ұйымдарында оқумен қамту, әсіресе күн көрісі төмен отбасылардан шыққан балаларға әлеуметтік көмек көрсету жөніндегі іс-шараларды өткізу жоспарлануда.
Рейдтер барысында әлеуметтік себептермен мектепке бармаған балалар анықталып, әрі қарай білім алуларына жағдайлар жасалады.
"Мектепке жол" акциясының басты мақсаты демеушілердің көмегімен әлеуметтік көмекке мұқтаж отбасыларына материалдық және рухани көмек көрсетіледі. Акцияның өту барысында дәстүрлі түрде білім ұйымдарында мектеп жасындағы балаларды жалпы оқумен қамту іс-шаралары жүргізіледі.
Сонымен қатар, азаматтардың өтініштерін жедел қарастыру үшін білім ұйымдарында шұғыл желілер, қоғамдық қабылдаулар «сенім» телефондарының үздіксіз жұмысы ұйымдастырылды: 343413, 343645, 343362. Қала мектептерінің барлығында «Мектепке жол» акциясы басталды, «Мектепке жол» акциясы жөнінде ақпараттық бұрыштары ұйымдастырылды, акцияның логотипі ілінді, сол сияқты «киімдер мен оқу құралдарын қабылдау» пунктері жұмыс жасайды.
Акция аясында мектеп жасындағы барлық балаларды оқу қамту шаралары, соның ішінде аз қамтылған отбасы, көп балалы, толық емес отбасы балалары, ерекше көмек қажет ететін, жетім балалар, ата-анасының қомқорынсыз қалған балалар, девиантты мінез-құлықты, қатерлі топтағы және әлеуметтік әлсіз топтағы балалар оқумен қамтамасыз етіледі.
Білім ұйымдарында акция барысында әлеуметтік көмекке мұқтаж балалар үшін іс-шаралар ұйымдастырылады, соның ішінде мектеп жасындағы балаларды жаңа оқу жылына дайындау мақсатында өткізілетін қамқорлық «марафоны».
