Бабаева Зинаида Федоровна – біліктілігі жоғары деңгейдегі жоғары санатты математика мұғалімі.

         Бабаева З.Ф.  1949 жылдың 25 қазанында туған, 1972 жылы Қарағанды университетінің педагогикалық бөлімін «Математика» мамандығы бойынша бітіріп, Киров ауданындағы №18 ОМ математика мұғалімі болып жіберілді. №66 ЖББОМ 1977 жылдан қазіргі уақытқа дейін жұмыс істейді.

         Зинаида Федоровна оқушыларды қойылған сұрақтарға өз бетінше жауап іздеуге, ойлануға, белгілі ілімге сүйене отырып жаңа ілім табуға үйретеді, оқытудың ізденушілік және зерттеушілік әдістемесін пайдаланады, оқушылардың интеллектуалдық қабілеттерін дамытады.

11 жылдан астам уақыт оның оқушылары математикадан қалалық,  облыстық және халықаралық олимпиадалардың жеңімпаздары, жүлдегерлері болып келеді.

Қызмет жылдарында 7 алтын және күміс медаль иегерлерін, «Алтын белгісімен» жалпы орта білім туралы аттестатына 3 оқушы, ерекше үлгідегі «үздік» аттестат алған 5 оқушыны дайындады. Мектеп бітірушілері бес жыл бойына ҰБТ-да жақсы нәтижелер көрсетіп, ЖОО-ның грант бөліміне түсіп жүр.2011 жылдың ҰБТ қорытындысы бойынша мектеп оқушыларының математикадан орташа балы -17,41құрады.

Зинаида Федоровна математика мұғалімдерінің қалалық әдістемелік жұмысына белсенді түрде қатысады. Оңтүстік-шығыста 2005-2007 жылдар аралығында №66 ЖББОМ оқушыларды ҰБТ-ға дайындауда тіреу болатын. Осы кезеңдерде мектеп базасында 4 семинар өткізілді. Мұнда Бабаева З.Ф. ҰБТ-ға дайындау мәселесі бойынша баяндамашы болды, сабақ топтамаларын берді, тесттік тапсырмаларды шешудің ұтымды жодарын көрсетті, қала мұғалімдерінің сұрақтарына жауап берді. 2006 жылдың ақпан айында Қарағанды облыстық БЖИ тыңдармандары үшін «Решение уравнений, приводимых к квадратным. Возвратные уравнения» тақырыбында ашық сабақ өткізді. 2009 жылдың желтоқсан айында болған математика мұғалімдерінің семинарында «Преобразование тригонометрических выражений» тақырыбындағы тесттік тапсырмалармен жұмыс тәжірибесімен бөлісті.

Белсенді өмірлік ұстанымы бар: бірнеше жылдар бойы қалалық оқушылар олимпиадасы мен Қарағанды қаласы математика мұғалімдерінің олимпиадаларында сарапшы мүшесі, бағдарламалық материалдың меңгерілу деңгейін тексеру үшін 5-9 сыныптарға арналған математикадан тесттік тапсырмаларды құрастыру бойынша қала мұғалімдерінің шығармашылық тобына қатысушы болып келді, сонымен қатар талапкерлерге кешенді тестілеу жүргізуде апелляциялық комиссия құрамына кірді, жас мамандарға білікті, әдістемелік көмегін көрсетеді.

1987 жылы білім беру мен тәрбиелеуде жеткен жетістіктері үшін ҚазКСР білім беру Министрлігінің Құрмет грамотасымен, 2005, 2006 жылдары Қарағанды облысы білім басқармасының Құрмет грамотасымен, 2001, 2006 жылдары Қарағанды қаласы білім бөлімінің грамотасымен, 2006 және 2008 жылдары оқушыларды қалалық олимпиадаға үздік дайындағаны үшін Қарағанды қаласы білім бөлімінің алғыс хатымен марапатталды.